Jańa jyl aldynda jasyl shyrshanyń baqylaýsyz kesilip, jurtshylyqqa satylatyny belgili.  Jyl saıyn qaıtalanatyn osy máseleniń aldyn alý úshin  «Baıtaq-Bolashaq” ekologıalyq alánsy respýblıka halqyna úndeý tastady.

–«Aldymyzda Jańa jyl merekesi kele jatyr. Statısıkaǵa súıensek, bizdiń elimizde bul meıramda jyl saıyn 300 myńdaı shyrsha kesiledi eken. Biz tal otyrǵyzyp, elimizdiń jasyl tabıǵatyn qorǵap qalý jolynda jumys istep jatsaq, ekinshi jaǵynan xalyq bir túndik merekege bola 300 myń shyrsha talyn kesedi. Sonda qandaı paıda bolǵany?

Árbir shyrsha bizdiń taza aýamen tynys alyp, ottegimen qanyǵýymyzǵa septigin tıgizedi. Ózimizdiń jáne jaqyndarymyzdyń densaýlyǵyna zalal keltirmeıik! Jyl saıyn bul bassyzdyq jalǵasa berse, kúnderdiń bir kúni jasyl jelekti alqaptarymyzdyń barlyǵyn joıyp jibergenimizdi baıqamaı da qalýymyz yqtımal.

Sondyqtan, qurmetti dostar, xalyqty shyrsha kespeýge bárimiz birge shaqyraıyq! El bolyp, birlik tanytyp, osy Jańa jyl meıramynda shyrshalardy ózimiz joımaıyq, ózgelerge de jol bermeıik! Qajet bolsa, shyrsha satatyn saýdagerlerdi sýretke túsirip, zań aldynda jaýapqa tartaıyq. Alypsatarlardyń mundaı quıtyrqy áreketterine tosqaýyl qoıý - bizdiń mindetimiz.

Dál qazirden bastap osy xabardy barlyǵyna taratyp, xalyqty úndeıik! "Jańa jyl-2019: shyrshany qorǵaý" aksıasyn qoldańyzdar, dostar!!! Ár óńirden osy isimizdi qoldaıtyn eriktiler tabylsa, marxabat. Túrli jastar uıymdarymen birge jumys isteýge daıynbyz. Ekologıaǵa beı-jaı qaramaıtyn kez-kelgen jan osy úndeýimizdi xalyqqa taratý arqyly adamdarǵa oı salyp, qaýiptiń aldyn alýǵa kómektese alady».

Árıne, «Baıtaq-Bolashaq” ekologıalyq alánsynyń kóterip otyrǵan bastamasy oryndy. Sondyqtan biz de aksıaǵa eleýli úles qosyp, jas óskin shyrshanyń shabylmaýyna septegimizdi tıgizeıik.